6a de marto 2010
Saluton, karaj geaŭskultantoj! Estu bonvenaj al PAROLU, MONDO! 2010. Sube ni disponigis la esperantajn tekstojn de nia radioprogramo. Vi povas legi ilin dum la aŭskultado de niaj sondosieroj. Ni esperas, ke vi ŝatos la novan fazon de “PM”. Opiniu, kritiku, sugestu, partoprenu: falamundoesperanto@gmail.com
Ĉu Vi Scias?
Kovrilo de la DVD “Zamenhof, Mondcivitano”, marta premio de “Ĉu Vi Scias?”
Al kiu fama jam mortinta esperantisto apartenas la voĉo, kiun ni ĵus aŭdis? Ĉu vi ne bone atentis? Do, aŭdu denove! Kaj nun, ĉu vi jam scias al kiu fama jam mortinta esperantisto apartenas tiu voĉo? Sendu al ni la ĝustan respondon per la retadreso falamundoesperanto@gmail.com informante vian kompletan nomon kaj vian poŝtadreson.
La 27-an de marto ni lotumos la DVD-on “Zamenhof, Mondcivitano” al unu el la partoprenontoj, kiuj donos la ĝustan respondon al nia demando. Ni sendos la premion al gajnonto per poŝto. Se vi havos ian dubon, vizitu nian blogon.
Rimarkoj:
1-La skipo de “Parolu, Mondo!” ne povas konkuri al premio.
2-Vi devas sendi la respondon ĝis la 22-a de marto
3-Ni sendos la premion al la gajnonto en la 29-a de marto per ordinara letero.
Aferoj de la Vivo
Serio pri la vivo de Zamenhof.
Partoj:11
Voĉleganto: Emílio Cid
Emílio Cid
Zamenhof, Mondcivitano – Unua Parto – La Formiĝo de Pollando
Nia historio komenciĝas en Orienta Eŭropo, precize en Pollando, kiu distancas de Brazilo je pli ol dek mil kilometroj.
Slavaj triboj estis la unuaj, kiuj loĝis en la teritorio, kie nuntempe estas Pollando. En 966, Princo Mieszko la 1-a fondis la polan nacion, sed estis la reĝo Kazimierz la 3-a, kiu plifortigis la polajn ekonomion kaj politikan situacion en Eŭropo, dum la dua duono de la 14-a jarcento.
Post la forpaso de Kazimierz, la hungara reĝo Ludwik Wegierski regis Pollandon dum 12 jaroj. Lia filino kaj ankaŭ posteulino Jadwiga edziniĝis kun Wladislaw la 2-a, arkiduko de Litovio. Tiel oni fondis la Grandan Reĝlandon Pollando kaj Duklandon Litovio.
En la fino de la 16-a jarcento Pollando fariĝis granda eŭropa potenco.
Post 1572 la Pola Imperio komencis disfali. Pollando estis pereigita de militoj kontraŭ Svedio, Rusio kaj Turkio.
En la fino de la 18-a jarcento, Pollando trifoje estis profunde dividita inter Rusio, Aŭstrio kaj Prusio, kies plej granda parto fariĝis Germanio. La lando malaperis el la surfaco de la mondkarto dum 123 jaroj.
En 1807, Napoleono Bonaparto invadis la landon kaj refondis polan ŝtaton, la Duklandon Varsovio, ( ) sed post la napoleonaj militoj, la Viena Kongreso redividis la landon. ( ) Tiuokaze la orienta parto de Pollando estis dominita de la rusoj, kiuj malobeis la decidojn de la Viena Kongreso, trudante kruelan kaj diskriminacian reĝimon al la pola popolo.
El la dokumentario “Zamenhof, Mondcivitano”, de Djalma Pessata
Djalma Pessata
Humuraĵo
Ĉu vi scias kio okazus, se oni hibridigus elefanton kaj kanguruon?
Tre multe da kavoj tra tuta Aŭstralio.
Muzika Momento
Malharmonio
Teksto: Aloísio Sartorato
Muziko kaj voĉo: Vera Jordan
Aloísio Sartorato
Vi volas min virtuale,
Mi volas vin vertikale.
Vi volas min surbite,
Mi volas vin surlite.
Vi volas min interrete,
Mi volas vin surportrete.
Vi volas min ĉeekrane,
Mi volas vin man-en-mane.
Ho! Kial tiu malharmoni’?
Ĉu kulpas mi?
Ĉu kulpas vi?
Aŭ kulpas nia amiluzi’?
“Parolu, Mondo!” Informas
Kun Fabiano Henrique
Fabiano Henrique
La proksiman dimanĉon komenciĝos la lerno-jaro de Esperanta Klubo Zamenhof. La lecionoj okazos de la 10-a matene ĝis la tagmezo. Estos formataj klasoj de baza kaj konversacia niveloj. Esperanta Klubo Zamenhof troviĝas en la kvartalo São Miguel Paiulista, en urbo São Paulo. Tiu institucio funkcias de 1949. Ties direktoro estas instruisto Osvaldo Pires de Holanda. La adreso de la tiel nomata Domo de Esperantistoj estas Rua Idioma Esperanto, 363 – São Miguel Paulista.
Aŭdu kaj Lernu
En vortoj kun du aŭ pli da vokaloj, unu vokalo estas elparolata pli forte ol la aliaj. Ĝi havas akcenton. La akcento estas ĉiam sur la antaŭlasta vokalo. Ekzemploj: tA-blo, o-kU-lo, aŭ-to-mo-bI-lo.
Ni Rekomendas
kovrilo de la DVD “Esperanto Estas”
Hodiaŭ ni rekomendas la DVD-on “Esperanto Estas”. Temas pri filmo, kiu prezentas la internacian lingvon Esperanto en moderna kaj vigla maniero, informante nin pri ĝia historio, kulturo kaj E-movado. La filmo, dividitaj je 6 partoj, estas rezulto de 3-jara projekto (2005-2008) kaj kreiĝis en internacia kunlaboro de pluraj filmemuloj kadre de la organizo E@I . Pli da detaloj pri tiu bonega laboro vi trovos ĉe www.esperantoestas.blogspot.com
Muzika Momento
Kovrilo de la albumo “Pli ol nenio”, de la grupo Martin kaj la Talpoj.
Tro Longe
Muziko kaj teksto: Martin Wiese
Kantas: Martin kaj la Talpoj
Tro longa tempo pasis
Pli ol semajn’
Dum vi nenion ĉasis
Nur por malgajn’
Ankaŭ mi ofte sentis
Min kiel ŝablon’
Tro longe jam silentis
La telefon’
Refreno:
Kaj se vi solas
Vi nur sciu ke ni ĉiam ĝojas pro via alven’
Kaj se vi volas
Ni malfermos botelon kaj klaĉos kun vi ĝis maten’
Via patrino foras
En stranguluj’
Ne hontu se vi ploras
Alvoku nin tuj
Vi la vesperon benas
Per unu pli
Ankaŭ vi apartenas
Al la famili’
Refreno
Tro multe da devoj por ni
Kunportu la revojn por ni
Tro longa tempo pasis
Pli ol semajn’
Dum vi nenion ĉasis
Nur por malgajn’
Refreno
ESPERANTE [16:33m]: Play Now | Play in Popup | Download DULINGVE [24:00m]: Play Now | Play in Popup | Download
